Рәсми Татарстан

Президент Euroskills призерларына: Россия җыелмасында уйнау хокукын яуларга кирәк

Россия һәм Татарстан өчен Эшче һөнәрләре чемпионатының әһәмияте 2013 елгы Универсиада һәм 2018 елгы Футбол буенча дөнья чемпионатыннан ким түгел.
09.10 18:25

(Казан, 9 октябрь, “Татар-информ”). Будапештта EuroSkills һөнәри осталык буенча Европа чемпионаты җиңүчеләре Казанда узачак WorldSkills-2019 чемпионатында чыгыш ясау хокукын яуларга тиеш. Татарстан Президенты Рөстәм Миңнеханов Euroskills җиңүчеләре һәм призерлары алдына бүген шундый бурыч куйды.

Татарстан Президенты 2019 елда Казанның WorldSkills Бөтенроссия чемпионатын кабул итәчәген, аның нәтиҗәләре буенча Россиядә эшче һөнәрләре буенча дөнья чемпионатында чыгыш ясау өчен ил җыелмасы оештырылачагын искәртте.

“Әлеге чемпионатта булырга, Россия җыелмасында уйнау хокукын яуларга, үзеңне күрсәтергә, югары бәя алырга кирәк”, - диде Миңнеханов. “Сез республикада гына түгел, Европада иң яхшылары икәнлегегезне күрсәттегез”, - диде Президент.

Торжественная церемония чествования победителей и призеров Euroskills. Проводит Президент РТ Р.Н.Минниханов

Җиңүчеләр белән әңгәмәдә республика башлыгы WorldSkills ил һәм дөнья чемпионатына Казанда план нигезендә төгәл әзерлек баруын җиткерде. “Дөнья чемпионатына әзерлек билгеләнгән график буенча бара. Без инде мәйданнар, күргәзмә комплексы һәм чаралар өчен мәйданнарны әзерләп бетерәбез. Инфраструктура өлешендә әзерлектә бернинди шик юк”, - дип билгеләп үтте Миңнеханов.

Республика башлыгы Россия һәм Татарстан өчен эшче һөнәрләре буенча дөнья чемпионатының әһәмияте 2013 елгы Универсиада һәм 2018 елгы Футбол буенча дөнья чемпионатыннан һич кенә дә ким түгеллеген аңлатты. “Әлеге вакыйганың әһәмияте ким түгел. Теләсә-кайсы ил һәм төбәк өчен эчтәлеге һәм мәгънәсе ягыннан бераз да калышмый, киресенчә, әле зуррак әһәмияткә ия”, - дип ышаныч белдерде Татарстан Президенты.

  • Россия җыелмасы быел сентябрь аенда Будапештта EuroSkills һөнәри осталык буенча Европа чемпионатын зур җиңү белән төгәлләде. Ил җыелмасы составына Татарстанның алты вәкиле керде. Алар өч алтын һәм бер көмеш медаль яулады.

Президентның Euroskills җиңүчеләре һәм призерлары белән очрашуында Татарстан Премьер-министры урынбасары Шамил Гафаров, Президент Аппараты җитәкчесе урынбасары Александр Терентьев, Татарстан мәгариф һәм фән министры Рафис Борһанов, экспертлар, шулай ук Татарстан спортчыларының әти-әниләре катнашты.
Торжественная церемония чествования победителей и призеров Euroskills. Проводит Президент РТ Р.Н.Минниханов
 

КӨН ҮЗӘГЕНДӘ

Хаҗ операторы хаҗиларны озата баручыларның ничек сайлануын әйтте

Бездә төркем башлыклары барысы да хәзрәтләр, студентлар юк, диде Ранис хәзрәт Вахитов.

Рөстәм Миңнеханов Мисыр эшмәкәрләрен KazanSummit 2019 чарасына чакырды

Каһирәдә узган “Татарстан– Мисыр” эшлекле форумында Татарстан һәм Мисыр сәүдә-сәнәгать палаталары арасында үзара аңлашу буенча меморандум имзаланды.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Соңгы елларда хаҗиларның яшь категориясе үзгәргән

Ранис хәзрәт Вахитов сүзләренчә, барлык хаҗиларның яртысын – өлкәннәр, яртысын яшьләр тәшкил итә.

Татарстан синоптиклары томан турында кисәтә

Республикада чагыштырмача җылы һава торышы көтелә.