Хәвеф-хәтәр

Инвалид кызын тәрәзәдән ыргыткан ир-атны Чаллы суды хөкем итте

Суд карары нигезендә, 68 яшьлек пенсионер мәҗбүри рәвештә табиб-психиатр күзәтүендә булачак һәм дәваланачак.
10.10 16:48

(Чаллы, 10 октябрь, “Татар-информ”, Эльвира Мөхәммәтдинова).ДЦП диагнозы булган инвалид кызын тәрәзәдән ыргыткан әти кешене Чаллы суды шартлы рәвештә ирегеннән мәхрүм итеп, мәҗбүри дәвалануга хөкем иткән. Бу хакта шәһәр судында хәбәр иттеләр.

Гадәттән тыш хәл шәһәрнең 56нчы комплексы йортларының берсендә 27 июльдә булган. 68 яшьлек пенсионер ДЦП диагнозлы инвалид кызын йортның беренче катындагы фатиры тәрәзәсеннән ыргыткан. Кызны Ашыгыч ярдәм хастаханәсенә озатканнар Аның муены һәм бот сөяге сынган.

Хокук сакчылары кызның әтисен тоткарлаган. Алар аның сәламәтлегендә психик тайпылыш бар дип шикләнәләр. Шул сәбәпле бу ир-атны суд-психиатрия экспертизасына җибәргәннәр.

Экспертиза нәтиҗәләре кызның әтисенең акылында өлешчә зәгыйфьлек тапкан. Ягъни ул кайбер вакытта үз гамәлләре өчен җавап бирә алмый. Пенсионер ир-атка кеше сәламәтлегенә күрәләтә зур зыян салуда гаеп белдерелгән.

Суд аны гаепле дип тапкан һәм өч елга шартлы рәвештә ирегеннән мәхрүм иткән. Шулай ук ул амбулатория шартларында мәҗбүри рәвештә психиатр-табиб күзәтүендә булачак һәм дәваланачак.

Инвалид кыз, хастаханәдән чыккач, абыйсында яши башлаган.
 

КӨН ҮЗӘГЕНДӘ

Татарстан Президенты һәм Тунис Премьер-министры хезмәттәшлек турында сөйләшәчәк

Рөстәм Миңнеханов кыска вакытлы эш сәфәре белән Туниска килде.

15 октябрьнең төп вакыйгалары - фото һәм сылтамалар

Роспотребнадзор прививкалардан баш тартмаска өнди, Данил Салиховка "Фидакарь хезмәт өчен" медале тапшырылды, хаҗ кылу өчен юллама бәяләре билгеле.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Данил Салихов "Фидакарь хезмәт өчен" медале белән бүләкләнде

Медальне Татарстан Язучылар берлеге рəисенə Лəйлə Фазлыева белəн Дамир Натфуллин тапшырды.

Миңнеханов Татарстан һәм Мисыр мәдәният министрларына сәнәгатьчеләргә үрнәк булырга кушты

Татарстан Президенты фикеренчә, Мисыр белән Татарстан Республикасы арасында мәдәният өлкәсендәге хезмәттәшлек икътисадка караганда тизрәк җайга салына