Җәмгыять, Спорт

Кайбычта “Пенсионерлар спартакиадасы”нда Кече Мәме авыл җирлеге командасы җиңде

Олы Кайбычтан Риза Нуруллин ярышта иң актив катнашучы булып танылды.
11.10 08:00

(Кайбыч, 11 октябрь, "Татар-информ", "Кайбыч таңнары", Мингазиз Сөнгатуллин). “Салават күпере” спорт-сәламәтләндерү комплексы өлкәннәр декадасы уңаеннан пенсия яшендәгеләр өчен ачык ишекләр көне игълан итте. Шул ук көнне Пенсия фондының Кайбыч районы бүлеге өлкән яшьтәге спорт сөючеләр катнашында “Пенсионерлар спартакиадасы” үткәрде, дип яза җирле басма.

Район авыл җирлекләреннән килгән 16 ир-егет, 26 хатын-кыз шахмат, шашка, өстәл теннисы, йөзү буенча бәйгеләрдә үзара көч сынаштылар. Берничә сәгатькә сузылган ярышларда Кече Мәме авыл җирлеге командасы җиңүгә иреште. Олы Кайбыч һәм Хуҗа Хәсән авыл җирлекләре командалары икенче- өченче урыннарны бүлеште.
Ярышларда катнашкан өлкәннәрне район башкарма комитеты җитәкчесе Алексей Макаров сәламләде, шәхси һәм команда беренчелегендә җиңүчеләргә һәм призлы урыннарны яулаучыларга бүләкләр, мактау кәгазьләре, медальләр тапшырды.

“Бердәм Россия” сәяси партиясенең Кайбычтагы җирле бүлеге иң өлкән һәм актив катнашучыларга аерым, шулай ук барлык катнашучыларга бүләкләр әзерләгән иде. Ирләрдән иң өлкән катнашучы – Кошман авылыннан 86 яшьлек Фәрит ага Абзалов, хатын-кызлардан – Олы Подберезье авылыннан Екатерина Елисеева булды. Ярышта иң актив катнашучы дип Олы Кайбычтан Риза Нуруллин танылды. Ул районда, зона һәм республика ярышларында даими катнаша, җиңүләр яулый.

“Салават күпере” спорт- сәламәтләндерү комплексы хезмәт коллективы ярышта катнашучыларны кайнар чәй, тәмле камыр ризыклары белән сыйлады

КӨН ҮЗӘГЕНДӘ

Хаҗ операторы хаҗиларны озата баручыларның ничек сайлануын әйтте

Бездә төркем башлыклары барысы да хәзрәтләр, студентлар юк, диде Ранис хәзрәт Вахитов.

Рөстәм Миңнеханов Мисыр эшмәкәрләрен KazanSummit 2019 чарасына чакырды

Каһирәдә узган “Татарстан– Мисыр” эшлекле форумында Татарстан һәм Мисыр сәүдә-сәнәгать палаталары арасында үзара аңлашу буенча меморандум имзаланды.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Соңгы елларда хаҗиларның яшь категориясе үзгәргән

Ранис хәзрәт Вахитов сүзләренчә, барлык хаҗиларның яртысын – өлкәннәр, яртысын яшьләр тәшкил итә.

Татарстан синоптиклары томан турында кисәтә

Республикада чагыштырмача җылы һава торышы көтелә.