Хәвеф-хәтәр

Чаллыда инвалид ир-ат үз фатирында янып үлгән

Янгын саксыз тәмәке тарту аркасында килеп чыккан дип фаразлана.
11.10 14:22

(Казан, 11 октябрь, «Татар-информ»). Бүген төнлә Чаллыда 79 яшьлек инвалид ир-ат үз фатирында янып үлгән. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

48нче комплекста урнашкан 13нче йорттагы ике бүлмәле фатирда янгын чыгуы турындагы хәбәр 112 бердәм номерына бүген төнлә килгән.

Чакыру буенча урынга юл тоткан 54нче янгын-коткару часте хезмәткәрләре ут капкан фатирның ишеген ачып кергәч, залда диванда яткан 79 яшьлек инвалид ир-атның мәетенә тап булган.

«Ир-атны берничә инсульт кичергәннән соң паралич суккан. Ул ялгызы яшәгән. Фатир хуҗасының кызы әйтүенчә, ул урын өстендә еш кына тәмәке тарткан», - дип шәрехләделәр әлеге вазгыятьне Россия Гадәттән тыш хәлләр министрлыгының ТР буенча Баш идарәсе матбугат хезмәтендә.

Янгын саксыз тәмәке тарту аркасында килеп чыккан дип фаразлана.

 

КӨН ҮЗӘГЕНДӘ

Татарстан Президенты һәм Тунис Премьер-министры хезмәттәшлек турында сөйләшәчәк

Рөстәм Миңнеханов кыска вакытлы эш сәфәре белән Туниска килде.

15 октябрьнең төп вакыйгалары - фото һәм сылтамалар

Роспотребнадзор прививкалардан баш тартмаска өнди, Данил Салиховка "Фидакарь хезмәт өчен" медале тапшырылды, хаҗ кылу өчен юллама бәяләре билгеле.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Данил Салихов "Фидакарь хезмәт өчен" медале белән бүләкләнде

Медальне Татарстан Язучылар берлеге рəисенə Лəйлə Фазлыева белəн Дамир Натфуллин тапшырды.

Миңнеханов Татарстан һәм Мисыр мәдәният министрларына сәнәгатьчеләргә үрнәк булырга кушты

Татарстан Президенты фикеренчә, Мисыр белән Татарстан Республикасы арасында мәдәният өлкәсендәге хезмәттәшлек икътисадка караганда тизрәк җайга салына