Фән һәм мәгариф

Фәрит Мөхәммәтшин мәктәпләрдә ата-аналар җыелышын ешрак уздырырга тәкъдим итте

Үзенең чыгышында Татарстан Дәүләт Советы Рәисе мәктәп укучылары өчен репетитор яллауга каршы булуын да әйтте.
11.10 18:24

(Казан, 11 октябрь, “Татар-информ”, Ләйлә Хәкимова). Ата-аналар җыелышын еш уздырырга кирәк, чөнки бу - мәгариф системасында иң көчле тәрбия чараларының берсе. Бүген бу фикерне ТР Дәүләт Советы Рәисе Фәрит Мөхәммәтшин тарих, хокук һәм җәмгыять белеме укытучылары белән очрашуда әйтте.

“Хәзер мәктәпләрдә ата-аналар җыелышы бик сирәк уза, моны дөрес түгел, дип саныйм. Элек мондый җыелышлар мәктәпнең аерылгысыз өлеше иде. Һәрвакыт сыйныф җитәкчесе укучы хакында тулы анализ бирә, аның тәртибе һәм укуы турында сөйли иде. Заманында без әтинең җыелыштан кайтканын куркып көтеп ала идек, тик шулай да укытучының безгә нинди бәя биргәнлеген беләсе килде. Ул сине үсендерергә дә, тырышып укырга өндәргә дә мөмкин иде.

Ата-аналар җыелышы - мәгариф системасында иң көчле тәрбия чараларының берсе. Без бу юнәлештә эшләргә тиеш. Хәзер бөтен нәрсә интернетта күренә, шуңа күрә ата-аналар белән очрашмасак та була, дип санамагыз. Бу дөрес түгел, сыйныф җитәкчесе һәрвакыт укучы һәм аның якыннары белән тыгыз элемтәдә булырга тиеш. Телефоннан түгел, ә очрашып һәм күзгә-күз карашып сөйләшергә кирәк”, - диде Фәрит Мөхәммәтшин укытучыларга.

Үзенең чыгышында ТР Дәүләт Советы Рәисе мәктәп укучылары өчен репетитор яллауга каршы булуын да әйтте. “Заманага ияреп, ата-аналар баласы өчен репетитор яллау яклы. Укучы ныклы белемне мәктәптә ала икән, аңа бернинди дә репетитор һәм өстәмә дәрес алулар кирәк булмаячак. Ләкин кайбер укытучылар “Мин дәрес планы буенча укыттым, калганына өлгерә алмыйм, иң яхшысы - репетитор белән шөгыльләнү” – диләр. Аларны яллау өчен шактый акча кирәк. Дөрес хәл түгел, бу - минем фикер”, - диде ул.

КӨН ҮЗӘГЕНДӘ

Хаҗ операторы хаҗиларны озата баручыларның ничек сайлануын әйтте

Бездә төркем башлыклары барысы да хәзрәтләр, студентлар юк, диде Ранис хәзрәт Вахитов.

Рөстәм Миңнеханов Мисыр эшмәкәрләрен KazanSummit 2019 чарасына чакырды

Каһирәдә узган “Татарстан– Мисыр” эшлекле форумында Татарстан һәм Мисыр сәүдә-сәнәгать палаталары арасында үзара аңлашу буенча меморандум имзаланды.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Соңгы елларда хаҗиларның яшь категориясе үзгәргән

Ранис хәзрәт Вахитов сүзләренчә, барлык хаҗиларның яртысын – өлкәннәр, яртысын яшьләр тәшкил итә.

Татарстан синоптиклары томан турында кисәтә

Республикада чагыштырмача җылы һава торышы көтелә.