Сәясәт

Башкортстан Башлыгы Рөстәм Хәмитов отставкага китү сәбәбен аңлаткан

Рөстәм Хәмитов үзенең карары турында республика халкына мөрәҗәгатендә әйткән.
11.10 19:42

(Казан, 11 октябрь, “Татар-информ”). Отставкага киткән Башкортстан Башлыгы Рөстәм Хәмитов үзенең карары турында республика халкына мөрәҗәгатендә аңлаткан. Сәясәтченең мөрәҗәгать текстын “Башинформ” агентлыгы тараткан.

Рөстәм Хәмитов отставкага китү карарын үзе кабул итүен әйткән. 2019 елда булачак республика Башлыгын сайлауларда катнашырга теләмәвен ул “зирәк яшьтәге”төбәк җитәкчеләренең үз вазифаларыннан “лаеклы” рәвештә һәм “уйлап”, низагларсыз – өстән дә, астан да басым ясалмаганда һәм ниндидер гадәттән тыш хәлләр аркасында гына булмыйча, үз вакытында китәргә кирәклеге белән аңлаткан.

Сәясәтче шулай ук бүген дөньяда үзгәрешләрнең зур тизлектә баруына, Федерация субъектлары башлыкларының исә заман таләпләренә җавап бирергә тиешлегенә игътибарны юнәлткән. Үз вазифасын калдыру карары турында әйткәндә :“Яңа командага эш курсына керү өчен, республика халкы ихтирамын яулау өчен, сайлауларга әзерләнү өчен вакыт кирәк”, - дип белдергән.

Хәмитов Башкортстанда хакимиятне тапшыру тыныч, дәвамчанлыкны саклап башкарылырга тиешлегенә аерым тукталган. Ул төбәк халкына ярдәмнәре өчен рәхмәтен җиткергән, һәрчак аларның тормыш бөтенлеге өчен хезмәт иткәнлеген әйткән.

Чыгышының соңында ул “барлык очрашулар, әңгәмәләр һәм элемтәләргә һәрчак әзер” булуын, кирәк булган очракта, киңәш бирә алуын һәм карарының дөреслегенә ышануын җиткергән.

Сәясәтченең вазифасыннан китү карарын Башкортстан Республикасы көнендә җиткерүе символик төсмергә ия. 
 

КӨН ҮЗӘГЕНДӘ

Хаҗ операторы хаҗиларны озата баручыларның ничек сайлануын әйтте

Бездә төркем башлыклары барысы да хәзрәтләр, студентлар юк, диде Ранис хәзрәт Вахитов.

Рөстәм Миңнеханов Мисыр эшмәкәрләрен KazanSummit 2019 чарасына чакырды

Каһирәдә узган “Татарстан– Мисыр” эшлекле форумында Татарстан һәм Мисыр сәүдә-сәнәгать палаталары арасында үзара аңлашу буенча меморандум имзаланды.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Соңгы елларда хаҗиларның яшь категориясе үзгәргән

Ранис хәзрәт Вахитов сүзләренчә, барлык хаҗиларның яртысын – өлкәннәр, яртысын яшьләр тәшкил итә.

Татарстан синоптиклары томан турында кисәтә

Республикада чагыштырмача җылы һава торышы көтелә.