Мәдәният

Васил Шәйхразиев Татарстан Президенты исеменнән Роберт Миңнуллинны юбилее белән котлады

Сез татар халкына хезмәт иткән, республикабызның чәчәк атуы өчен күп эшләр башкарган шәхес, диде ТР Премьер-министры урынбасары.
12.10 19:15

(Казан, 12 октябрь, “Татар-информ”, Ләйлә Хәкимова). К. Тинчурин исемендәге Татар дәүләт драма һәм комедия театрында күренекле татар шагыйре, публицист, дәүләт һәм җәмәгать эшлеклесе Роберт Миңнуллинның юбилей кичәсе бара. Шул уңайдан шагыйрьне Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразиев Татарстан Президенты Рөстәм Миңнеханов исеменнән котлады.

  • Татарстан Президенты Рөстәм Миңнеханов исеменнән халык шагыйре Роберт Миңнуллинга яңа машина ачкычы тапшырылды.

"Бөтендөнья татар конгрессының Милли шурасы, Татарстан Президенты Рөстәм Миңнеханов һәм шәхсән үз исемемнән Сезне юбилеегыз – 70 яшь тулган көнегез белән ихлас күңелдән тәбрик итәм. Бу тантаналы чарага сезнең иҗатыгызны яраткан, хөрмәт иткән тамашачылар килгән. Роберт Мөгаллимович, без сезгә олы рәхмәтебезне җиткерәбез. Иҗат уңышлары, мул тормыш, якты киләчәк телибез. Сез татар халкына хезмәт иткән, республикабызның чәчәк атуы өчен күп эшләр башкарган шәхес. Иҗат юлыгызны балаларга шигырь язудан башладыгыз һәм тиз арада халык шагыйре исеменә лаек булдыгыз. Татарстан Республикасының Югары Советы, Татарстан Республикасының Дәүләт Советы депутаты булып сайлануыгыз да сезгә карата ихтирам уята. Кайда гына эшләсәгездә сез үрнәк булырлык абруйлы кеше", - диде Васил Шәйхразиев.

  • Роберт Миңнуллин 1948 елның 1 августында Башкортстан АССРның Илеш районы Нәҗәде авылында туа. 1973 елда Казан дәүләт университетын тәмамлый. 1986-95 елларда "Сабантуй" газетасының баш мөхәррире. 1988 елдан ТР Балалар фонды рәисе. 1990-95 елларда ТР ЮС депутаты, 1995 тән ТР халык депутаты, 2000 – 2004 елларда ТР Дәүләт Советы рәисе урынбасары. 2004 елдан - Татарстан Республикасы Дәүләт Советы Президиумы әгъзасы, ТР Дәүләт Советының Татарстан Республикасы закон текстларының татар һәм рус телләрендә тәңгәллеген билгеләү комиссиясе рәисе. ТРның Муса Җәлил һәм Габдулла Тукай исемендәге дәүләт бүләкләре лауреаты, ТРның атказанган сәнгать, БРның атказанган мәдәният эшлеклесе. 

 

КӨН ҮЗӘГЕНДӘ

Хаҗ операторы хаҗиларны озата баручыларның ничек сайлануын әйтте

Бездә төркем башлыклары барысы да хәзрәтләр, студентлар юк, диде Ранис хәзрәт Вахитов.

Рөстәм Миңнеханов Мисыр эшмәкәрләрен KazanSummit 2019 чарасына чакырды

Каһирәдә узган “Татарстан– Мисыр” эшлекле форумында Татарстан һәм Мисыр сәүдә-сәнәгать палаталары арасында үзара аңлашу буенча меморандум имзаланды.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Соңгы елларда хаҗиларның яшь категориясе үзгәргән

Ранис хәзрәт Вахитов сүзләренчә, барлык хаҗиларның яртысын – өлкәннәр, яртысын яшьләр тәшкил итә.

Татарстан синоптиклары томан турында кисәтә

Республикада чагыштырмача җылы һава торышы көтелә.